На 20. 08. 2010 година на празникот на Светиот маченик Спасо Радовишки, во храмот Св. Троица во Радовиш, Неговото Блаженство Архиепископот Охридски и Македонски г. г. Стефан заедно со Митрополитот Дебарско – Кичевски г. Тимотеј, Митрополитот Повардарски г. Агатангел, Митрополитот Европски г. Пимен и Надлежниот Митрополит Брегалнички г. Иларион, во сослужение на свештеници од МПЦ - ОА, отслужи света архиерјска Литургија.

  

На 19 август, четврток, на Преображние на Господа Исуса Христа, Митрополитот Повардарски г. Агатангел, во сослужение на свештенството на Повардарската епархија, во храмот „Св. Атанасиј” во Неготино, отслужи Света архиерејска Божествена Литургија.                            

На светата Литургија со пригодно слово кон насобраните верници се обрати Неговото Високопреосвештенство г. Агатангел, кој на верниот народ со кротки зборови им го опиша Светото Преображение на Господ Христос пред тројцата Негови ученици на гората Тавор.

Свештениците ги причестија верниците кои влегоа во првата недела од Богородичниот пост, а потоа Митрополитот и свештенослужителите пристапија на средината од храмот, каде што извршија осветување и благословување на грозјето и ги прекршија и благословија празничните лебови.

На 08 и 09 август 2010 година, Велес го чествуваше споменот на својот патрон и заштитник, Светиот великомаченик Пантелејмон. Воедно, годинешното празнување имаше и два дополнителни јубилеи поврзани со чествувањето на овој празник. Првиот беше тоа што, со одлука од Советот на град Велес, првпат празникот на Светиот вмч. Пантелејмон се чествува како официјален празник на градот, и вториот 170 години од иградбата на Соборниот храм на Повардарската епархија, посветен на овој светител, кој жителите на град Велес го изградиле во чест на светителот, по чии молитви, бил спасен градот од страшната чума која се појавила во 19 век.

  

Чествувањето на споменот на Преподобната маченичка Параскева започна со вечерна богослужба ширум храмовите низ Повардарската епархија. Во Велес традиционално беше отслужена вечерба богослужба во параклисот посветен на Св. Петка, кој како и секоја година беше масовно посетен од верниците кои дојдоа да и се поклонат на преподобната маченичка Параскева.

На самиот ден кога се чествува споменот на Светата маченичка Параскева, Митрополитот Повардарски г. Агатангел, во сослужение на Митрополитот Дебарско-кичевски г. Тимотеј, Митрополитот Европски г. Пимен и повеќе свештенослужители отслужи Света Божествена Литургија во храмот „Св. Димитриј“ во Кавадарци.

По завршувањето на Литургијата, Митрополитите, свештенослужителите и верниот народ се упатија во центарот на градот каде беше осветен камен-темелникот на новата црква во Кавадарци, која ќе биде посветена на Светата маченичка Параскева-Петка.