Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
Sample Image Sample Image Sample Image
Sample Image
Sample Image
Sample Image
Sample Image
 


Прослава на патронот во епархискиот параклис
7.12.2016.

 

Sample Image

 

Sample Image Прославата на патронот на Македонската Православна Црква, Свети Климент Охридски, во Повардарската епархија започна со Вечерна богослужба која се отслужи во епархискиот параклис, посветен на Свети Климент Охридски. На Вечерната богослужба чиноначалствуваше протоереј-ставрофор Славе Јованов во сослужение на протоереј Киро Ристов и протоѓакон Влатко Стоименов, а во присуство на Митрополитот Повардарски г. Агатангел. Голем број верници беа присутни на Вечерната Богослужба и молитвено се поклонија пред Светителот - заштитник на Mакедонската Православна Црква и нејзините верни чеда.

По завршувањето на Вечерната Богослужба, Протоѓаконот Влатко Стоименов имаше кратко излагање за значењето на Свети Климент за македонскиот народ и Македонската Црква, а потоа беа прекршени славските колачи и беше послужена трпеза на љубовта.

Sample ImageНа самиот ден на празникот на патронот на Македонската Православна Црква, Свети Климент, во епархискиот параклис беше отслужена Света Божествена Литургија. Со Литургијата чиноначалствуваше протоереј-ставрофор Славе Јованов во сослужение на отец Борислав Бобевски и протоѓакон Влатко Стоименов.

Патронот на Македонската црква, Свети Климент, торжествено се прославува низ сите наши духовни светилишта, а централната прослава е во Скопје, најпрво со Вечерна богослужба во Mакедонската богословија, а на самиот ден на празнувањето со Божествена Литургија во Соборниот храм на Македонската црква посветен на Свети Климент.

 
Чествување на Св. Климент во Македонската богословија
7.12.2016.

 

Sample Image

 

Со голема Вечерна богослужба која се отслужи во црквата „Св. Вознесение Христово“ во Драчево започна чествувањето на свети Климент Охридски, патрониот заштитник и прв архиереј на Охридската архиепископија. На Вечерната чиноначалствуваше Митрополитот Дебарско – кичевски г. Тимотеј во присуство на Архиепископот Охридски и Македонски г. г. Стефан, Митрополитот Преспанско-пелагониски г. Петар, Митрополитот Повардарски г. Агатангел, Митрополитот Брегалнички г. Иларион, Митрополитот Тетовско-гостиварски г. Јосиф и Митрополитот Кумановско-осоговски г. Јосиф. Веднаш по соборната молитва присутните се упатија кон Богословијата „Свети Климент Охридски“, каде се одржа свечена академија. На неа најнапред професорот Илија Петров произнесе свечено слово за свети Климент, по што богословскиот хор, диригиран од професорот Игор Величковски одржа духовен концерт, а потоа беа доделени наградите за најдобри научни трудови и поетски творби на богословите. На крајот кон присутните се обрати и ректорот на Богословијата, митрополитот Повардарски г. Агатангел кој срдечно им се заблагодари на сите кои го помагаат успешното постоење на нашата Македонска Православна Богословија.

 

 
Св. Климент Охридски
5.12.2016.
Sample Image
 
Собор на свети Архангел Михаил
22.11.2016.

 

Sample Image

 

Sample Image На денот кога Светата православна црква го чествува споменот на Светиот Архистратиг Михаил и останатите Сили небесни бестелесни, во црквата „Св. Архангел Михаил“ во селото Долни Дисан се отслужи Света Ахиерејска Литургија со која чиноначалствуваше Митрополитот Повардарски г. Агатангел во сослужение на свештенослужители од кавадречкото архиерејско намесништво на Повардарската епархија.

На Литургијата присуствуваа голем број верници, кои се поклонија пред Светиот Архангел Михаил и молитвено го побараа неговото застапништво пред Бога.

На крајот на Литургијата верните се причестија со Светите Христови дарови. По завршувањето на Литургијата, Митрополитот, свештениците и верниот народ се упатија во дворот на црквата, каде што беше извршен водосвет и беа осветени славските колачи.

 

За Небесната ерархија - Старец Клеопа - 1 дел         За Небесната ерархија - Старец Клеопа - 2 дел

 

 
Света Божествена Литургија, Демир Капија
22.11.2016.

 

Sample Image

 

Sample Image На 20. 11. 2016 година, Митрполитот Повардарски г. Агатангел во сослужение на повеќе свештенослужители од кавадаречкото намесништво отслужи Света Божествена Литургија во црквата „Успение на Пресвета Богородица“ во Демир Капија.

 

 
Свети Козма и Дамјан
14.11.2016.

 

Sample Image

 

Sample Image

На денот кога Светата православна црква го слави споменот на Светите маченици и бесребреници Козма и Дамјан, се отслужи Света Божествена Литургија во болничкиот храм посветен на овие светители во Велес. На Литургијата служеа протоереј-ставрофор Славе Јованов, свештеник Мики Миовски, свештеник Јани Мулев, свештеник Игор Пармачки, протоѓаконот Влатко Стоименов и ѓаконот Никола Ѓорѓиевски. По завршувањето на Литургијата се изврши водосвет и се прекршија славските колачи. 

Светите Козма и Дамјан

Бесребреници и чудотворци. Браќа по тело и по дух, родум негде од Азија, од татко незнабожец и мајка христијанка. По смртта на татко им нивната мајка Теодотија целото време и труд ги даде на тоа да ги подигне и воспита синовите како вистински христијани. И Бог ѝ помогна, та нејзините синови израснаа како две слатки овошки и како два светилници на светот. Беа научени на лекарската вештина и бесплатно им помагаа на болните не толку со лекови колку со името на Господ Исус Христос. Ги нарекоа бесребрени лекари, бидејќи лечеа бесплатно и така ја исполнуваа Христовата заповед: „Бесплатно примивте, бесплатно давајте!“ (Матеј 10, 8). Беа толку внимателни во бесплатното лечење на луѓето што Козма вистински се налути на својот брат Дамјан зашто овој зеде три јајца од една жена Паладија, па нареди Козма по неговата смрт да не го закопуваат до брат му Дамјан. Всушност Свети Дамјан не ги зеде оние три јајца како награда зашто ја исцели болната Паладија, туку затоа што таа го заколна со Пресвета Троица да ги земе оние три јајца. Сепак по нивната смрт, во местото Фереман беа закопани заедно според Божјо откровение. Овие Свети браќа беа големи чудотворци и за време на животот и после смртта. На еден слуга на спиење му се беше вовлекла змија низ устата во стомакот и кутриот човек ќе издивнеше во најтешки маки, ако во последен миг не ги повикаше на помош Светите Козма и Дамјан. Така ги прослави Господ со чудотворство засекогаш оние коишто Го прославуваа Бога на земјата со вера, чистота и милост.

 
Повеќе...
<< Почеток < Претходна 1 2 3 4 5 6 7 8 9 10 Следна > Крај >>

Резултати 1 - 38 од 641