Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
Sample Image Sample Image Sample Image
Sample Image
Sample Image
Sample Image
 


Освет на камен темелник за нова црква во Велес
31.08.2015.
 
Sample Image
 
 Sample Image
 
 
Sample Image Sample Image На 30. 08. 2015 година (недела), во црквата „Успение на Пресвета Богородица“ во Велес се отслужи Света Божествена Литургија. На Литургијата чиноначалствуваше Неговото Блаженство, Архиепископот Охридски и Македонски г.г. Стефан во сослужение на Митрополитот Повардарски г. Агатангел, Митрополитот Дебарско кичевски г. Тимотеј, архимандритот Нектариј и бројно свештенство од Повардарската, Скопската и Дебарскокичевската епархија. На Литургијата молитвено присуствуваа голем број верници од Велес. По завршувањето на Светата Литургија, Неговото Блаженство, г.г. Стефан заедно со Митрополитите, свештенослужителите и верниот народ се упатија во населбата Тунел во Велес, каде што се изврши осветување на камен темелник за нова црква, посветена на Светиот Јован Крстител. На светиот чин на поставување и осветување на камен темелникот на новиот храм присуствуваа Министерот за одбрана на РМ, гдин Зоран Јолевски, градоначалникот на Општина Велес, гдин Славчо Чадиев, пратениците во Собранието на РМ од Велес, претставници од сите институции во градот, како и голем број велешани коишто со радост го поздравија отпочнувањето на градбата на новиот храм. Црквата ќе се гради со средства на Повардарската епархија, а под покровителство и на Општина Велес, како и со доброволни прилози на нашиот благочестив македонски народ. Новиот храм се гради според архитектонско решение на архитектот Благој Здравев од Штип, а техничката изведба на објектот ќе ја изврши компанијата „Тргоцемент“ од Велес.
 
 
Успение на Пресвета Богородица, 2015
31.08.2015.

 

Sample Image

 

Sample Image На празникот на Успението на Пресвета Богородица или како што уште го нарекуваме и Второ Воскресение, македонскиот народ повторно силно ја демонстрираше својата силна православна вера, својот вистински православен христијански дух, посетувајќи ги масовно храмовите низ целата држава, поклонувајќи се и просејќи благослов од Мајката Божја за застапништво пред престолот на Севишниот Бог. Недогледната колона од луѓе пред храмот на Успението на Мајката Божја во Велес, кои смирено го чекаа својот ред за да ја целиваат плаштаницата на Пресвета Богородица, поставена во средината на храмот, големиот број на верници кои молитвено го исчекуваа принесувањето на Светите Христови дарови за да се соединат со Христос, вистинскиот Бог, велелепните и ангелски звуци на црковниот хор „Св. Вмч. Пантелејмон“ од Велес, се моментите кои, на овој торжествен празник, во целост ни ја покажуваат вистинската димензија на православната вера, како единствен и непобитен извор на нашата духовност и на нашето спасение.

Чествувањето во Велес, започна со Вечерна Богослужба во црквата „Успение на Пресвета Богородица“ на која служеа свештенослужители од градот Велес. Во  средината на храмот беше изложена плаштаницата, на која е изобразено погребението на Пресвета Богородица. Централниот настан на чествувањето беше Светата Божествена Литургија следниот ден со која чиноначалствуваше Неговото Високопреосвештенство, Митрополитот Повардарски г. Агатангел, во сослужение на бројно свештенство од градот Велес.

 
Молебен со Акатист кон Пресвета Богордица
27.08.2015.

 

Sample Image

 

Sample Image Во чест на еден од најторжествените празници во животот на Светата црква, Успението на Мајката Божја, кое уште се нарекува и Второ Воскресение, започнаа предвидените богослужби низ храмовите во Повардарската епархија. Во градот Велес, поради големиот број на верници кои доаѓаат на поклонение пред Пресвета Богородица, чествувањето започна во среда навечер, кога на Вечерна Богослужба во црквата „Успение на Пресвета Богородица“ беше отслужен Молебен канон на Пресвета Богородица со читање на Богородичниот Акатист. На оваа Богослужба присуствуваше Митрополитот Повардарски г. Агатангел, а свештенослужеа сите клирици од Велес.

 
Литургија во Согленскиот манастир
24.08.2015.
 
Sample Image
 
Sample Image На 23. 08. 2015 година, во Согленскиот манастир „Рождество на Пресвета Богородица“, беше отслужена Света Божествена Литургија со која чиноначалствуваше Митрополитот Повардарски г. Агатангел во сослужение на свештеник Игор Пармачки и ѓакон Васил Ристовски.
 
Св. Спасо Радовишки, 2015
24.08.2015.

 

Sample Image
 
Sample Image
 
Sample Image

 

Чествување на Светитот маченик Спасо Радовишки, Заштитник и Патрон на Радовиш

На 21. 08. 2015 година, на празникот на Светиот маченик Спасо Радовишки, во храмот „Св. Троица“ во Радовиш, Неговото Високопреосвештенство Митрополитот Повардарски г. Агатангел, заедно со Неговото Високопреосвештенство Митрополитот Европски г. Пимен и Надлежниот архиереј, Неговото Високопреосвештенство Митрополитот Брегалнички г. Иларион, во сослужение на Архимандритот на Лесновскиот манастир отец Дамаскин и свештеници од МПЦ - ОА, отслужи света архиерјска литургија.

Митрополитот Повардарски г. Агатангел одржа пригодна беседа и го благослови и пресече празничниот леб. На крајот Митрополитот Брегалнички г. Иларион Им се заблагодари на Митрополитите г. Агатангел и г. Пимен за отслужената Света Литургија во Брегалничката епархија. По ова Митрополитите го посетија манастирот посветен на „Св. вмч. Георгиј“ во с. Ораовица – Радовиш, каде и присуствуваа на заедничката празнична трпеза на љубовта по повод Патронот и Заштитникот на Градот Радовиш Св. мч. Спасо Радовишки.

Повеќе фотографии од оваа Литургија на сајтот на Брегалничка епархија.

 
Преображение, 2015
24.08.2015.
 
Sample Image
 
На големиот христијански празник, Преображение на Господ Исус Христос, Митрополитот Повардарски г. Агатангел во сослужение на повеќе свештенослужители, отслужи Света Божествена Литургија во манастирот „Свети Ѓорѓи“ во Неготино. На крајот на Литургијата, Митрополитот заедно со свештенослужителите пристапија на средината од параклисот, каде што извршија осветување и благословување на грозјето.
 
Sample Image
 
Sample Image
 
Повеќе...
<< Почеток < Претходна 1 2 3 4 5 6 7 8 9 10 Следна > Крај >>

Резултати 1 - 38 од 495